Të rinjtë nga mbarë Evropa, mbledhur në Gjenevë nga Bashkësia ekumenike e Tezesë,
u rinisën nga qyteti zviceran, duke u impenjuar për pajtimin
(01.01.2008 RV)Më se 40 mijë të rinjtë e të rejat, mbledhur në Zvicër prej
mbarë Evropës, e edhe prej Shqipërisë, u nisën sot nga Gjeneva, ku morën pjesë në
‘Shtegtimin e besimit mbi tokë’, organizuar nga Bashkësia ekumenike e Tezesë, themeluar
në vitin 1940 nga Vëllau Rozhe. Shtegtimi, i tubuar për herë të parë në vitin 1978,
të nesërmen e fillimit të papnisë së Gjon Palit II, sivjet u kremtua për të 30-tën
herë. Së pari të rinjtë u mblodhën në Zvicer, në qytetin ku u themelua Bashkësia
e Tezesë, për t’u zhvendosur, pastaj, në Borgonjën franceze. Ndërsa dje organizuan,
në të gjitha famullitë e Gjenevës, mbrëmjet e lutjes për paqen, për ta përfunduar
tubimin me Festën e popujve. Sot u rinisën për në vendet e tyre, duke u impenjuar
të çojnë frymën e pajtimit atje, ku tashmë kanë arritur, ngarkuar me mbresa të paharrueshme
e me detyra të reja, në pritje të një takimi të ri.