Për herë të pestë Lëvizja e dashurisë familjare i fton familjet ta kalojnë natën e
Vitit të Ri, duke u lutur para Shpellës së Betlehemit në Sheshin e Shën Pjetrit.
(31.12.2007 RV)T’i kalosh në familje orët e fundit të vitit plak, duke pritur
hapat e para të Vitit të Ri, por në vend që të rrish në shtëpi, duke ngrënë e duke
shprazur fishekzjarre – të bashkohesh me qindra njerëz të tjerë në lutje, para ikonës
së familjes: Shpellës së Betlehemit. Shumë familje, anëtare të Shoqatës ‘Familja,
kishë e vogël – lëvizja e dashurisë familjare’, kanë zgjedhur këtë mënyrë për ta festuar
Vitin e Ri, e pikërisht para Shpellës së Betlehemit në Sheshin e Shën Pjetrit, prej
nga përhapet në botën mbarë misteri i Krishtlindjes, mister i fesë e i vlerave të
vërteta të jetës. Lutja do të fillojë sonte, në orën 23. 15, për të përfunduar nesër
në orën 7.00 të një mëngjesi ndryshe, mëngjes i një Vitit të Ri. Lutjen do ta kryesojë
don Gjovani Erkole.