Дэлегацыя афiцыйнай Каталiцкай Царквы наведала Бельгiю.
Роля бiскупаў у Царкве зрабiлася галоўнай тэмай курса для пяцi бiскупаў i пяцi святароў,
якiя выконваюць важныя функцыi ў Царкве, што афiцыйна дзейнiчае ў Кiтае, i належаць
да так званай “Патрыятычнай Царквы”. Спатканне з iмi арганiзаваў вядомы каталiцкi
унiверсiтэт у бельгiйскiм горадзе Лювэн. Галоўнай тэмай двухтыднёвага спаткання
(з 24 лiстапада да 9 снежня) было пасланне “Apostolorum Succesores” аб пастырскiм
служэннi бiскупаў. Лекцыi праводзiлi 18 навукоўцаў, у тым лiку кардынак Годфрэд Данеелс
i пяць iншых бельгiйскiх царкоўных дастойнiкаў. Яны разважалi аб духоўнасцi бiскупаў,
аб iх працы ў дыяцэзiях, клопатах аб Каталiцкай Царкве, а таксама аб супрацоўнiцтве
з iншымi бiскупамi i Свяцейшым Айцом. Нягледзячы на тое, што ў кiтайскай дэлегацыi
было два бiскупа, якiя былi хiратанiсаны без згоды Свяцейшага Айца, па меркаванню
аднаго з бельгiйскiх прафесароў, размовы мелi характар “дыялога без папрокаў”. Было
заўважана жаданне еднасцi памiж так званай катакомбнай Каталiцкай Царквой i афiцыйнай
Царквой. На мiнулым тыднi госцi з Кiтая наведалi найважнейшыя санктуарыi Бельгii.