(23.12.2007 RV)Sot, e Diela IV dhe e fundit e Kohës së Ardhjes, u përkujtua
edhe Shën Gjoni i Ketit. Të hënën do të kremtohet festa e Shën Tarsilës,
virgjër romake, hallë e Shën Gregorit të Madh dhe e Shën Irmës, abateshë. Është Nata
e Krishtlindjes! Të martën e ardhshme - Solemniteti i Krishtlindjes,
me mesazhin e Atit të Shenjtë drejtuar Romës e Botës. Të mërkurën, do
të përkujtojmë Shën Shtjefnin, martirin e parë të krishterimit dhe Shën Dionisin papë.
Të enjten ështëfesta e Shën Gjonit, apostull e ungjilltar dhe
e Shën Fabiolës vejushë romake, nxënëse e Shën Jeronimit. Të premten
e ardhshme përkujtohen Fëmijët e pafajshëm, martirë, mbytur nga Herodi, në përpjekjen
për të zhdukur Krishtin Fëmijë Java mbyllet të shtunën e ardhshme, me festën
e Shën Tomës Beket, ipeshkëv i Kanterbërit .Nga Nata e Krishtlindjes tek Nata e Vitit
të Ri 2008: të dielën e ardhshme përgatitemi pikërisht për të kremtuar natën-kufi
ndërmjet 2007-tës e 2008-tës, në atmosferën e ‘Te Deum’, kur të krishterët falënderojnë
Zotin për praninë e Tij në të gjitha ditët e vitit të kaluar.