Rubrika muzikore: Mozaik këngësh të Krishtlindjes.
(23.12.2007 RV) Në rubrikën muzikore, nga cikli i ri me këngë kushtuar Kohës
së Ardhjes, që me tingujt e tyre shprehës, na shoqëruan gjatë gjithë Kohës së Ardhjes,
ju ftojmë përsëri të ndiqni disa nga meloditë më të dashura që këto ditë mbushin plot
gëzim botën e krishterë. Për të dielën e katërt e të fundit të Kohës së Ardhjes,
profesor Spiro Kalemi, zgjodhi ‘Magnifikat’ të Bahut,‘Vraponi, o besimtarë’ e, sidomos
atë që tashmë është bërë himn ndërkombëtar i Natës së madhe ‘Stille Nacht’ – kënduar
nga kori i katedrales së Shën Palit në Tiranë, nën drejtimin e Alqi Lepurit.