Kosova në Kwshillin e Sigurimit, ndërsa përgatitet të jetojë pa Serbinë
(19.12.2007 RV)Është mbledhur sot me dyer të mbyllura Këshilli i Sigurimit
i OKB-së, ku po diskutohet çështja e Kosovës. Në të marrin pjesë me të drejtë fjale
edhe krerët udhëheqës të Kosovës e të Serbisë. Këshilli i Sigurimit drejtohet në këtë
periudhë nga Italia. Mbrëmë, ministri italian i Punëve të Jashtme, Masimo D’Alema
është takuar si me presidentin e Kosovës, Fatmir Sejdiu, ashtu edhe me kryeministrin
e Serbisë, Vojisllav Koshtunica. Ai dhe ambasadori amerikan në Kombet e Bashkuara,
Zelmaj Khalilzad kanë hedhur poshtë propozimin e Serbisë për vazhdimin e bisedimeve
mbi statusin e Kosovës. Edhe vetë Koshtunica është i bindur tashmë se vendet perëndimore
mbështesin pavarësinë e Kosovës. Nuk pritej një marrëveshje për këtë në Këshillin
e Sigurimit, por bashkësia ndërkombëtare ka si synim administrimin e kalimit të pushtetit
në duart e kosovarëve në mënyrën sa më të qetë e më paqësore të mundshme. Por si po
e përjeton momentin Kosova? Të dëgjojmë informacionin e Rabije Ibrajt nga Prishtina
Partia e
afaristit kosovar Behxhet Pacolli nuk pranon të bëjë pjesë në të njëjtin koalicion
me Lidhjen Demokratike të Kosovës. Sipas Aleancës Kosova e Re, partia e ish-presidentit
Rugova u dënua me pak vota nga zgjedhësit, pikërisht sepse është e paaftë të udhëheqë
institucionet vendore.