Праграма багаслужэньняў Папы Бэнэдыкта 16 ў пэрыядзе Калядаў
Cёньня , 24-га сьнежня, ў ноч Гасподніх Народзінаў Папа Рымскі служыць Пастэрку
(Літургія чакання народзінаў Езуса Хрыста) ў Ватыканскай Базыліцы Сьвятога Пятра.
Саслужваюць з ім кардыналы, якія ёсць прысутнымі ў Вечным Горадзе. А паўдні 25-га
сьнежня Бэнэдыкт 16 скажа з балкону Базылікі Сьвятога Пятра Каляднае Пасланьне і
надзеліць блаславенства “Урбі эт Орбі” ( гораду Рыму і сьвету) ў розных мовах. У
апошні дзень адыхдзячага году, значыць 31-га сьнежня, Сьвяцейшы Айцец адслужыць у
Ватыканскай Базыліцы Вячэрню падзякі “Тэ Дэум” ( Цябе Бога хвалім), пад-час якой падзякуе
Богу за ўсё тое, што адбылося ў 2007-м годзе. У самую ўрачыстасьць Новага Году,
значыць 1-га студзеня 2008-га году, Папа адслужыць Сьвятую Імшу ў Базыліцы Сьвятога
Пятра ў Ватыкане з нагоды 41-га Сусьветнага Дня Міру. Таксама ў Базыліцы Сьвятога
Пятра Папа адслужыць 6-га студзеня Сьвятую Імшу ва ўрачыстасьць Гасподняга Абьяўленьня.
13-га студзеня ў Нядзелю Гасподняга Хросту Папа будзе старшынстваваць у Сыкстынскай
Капліцы Сьвятой Імшы, у часе якой надзеліць сакрамант хросту дзецям.