Koha e Ardhjes dhe perspektivat e Vitit të ri liturgjik në kryedioqezën e Tivarit:
me ne, imzot Zef Gashi.
(18.12.2007 RV)Të enjten e kaluar dy ipeshkvij shqiptarë, kryeipeshkvi i Tivarit,
imzot Zef Gashi dhe ipeshkvi i Sapës, imzot Lucian Avgustini, ishin të pranishëm në
takimin e Benediktit XVI me universitarët e Romës. Kryesonin grupin universitarëve
shqiptarë, të cilët sollën në Romë ikonën e Zojës ‘Selia e Dijes’,për
t’ua dorëzuar universitarëve rumunë. Emocionet e tyre të thella nga takimi me Papën
jua percollëm në emisionet e kaluara. Pas takimit, ipeshkvijtë ishin mysafirë në Programin
e gjuhës shqipe pranë Radio Vatikanit, ku na folën për problemet e tyre më të mprehta,
duke nisur nga përgatitja shpirtërore e besimtarëve në këtë Kohë të Ardhjes, tek puna
baritore me rininë e tek përpjekjet për të vënë në jetë mësimet e Doktrinës shoqërore
të Kishës. Ta ndjekim imzot Zef Gashin, që ndalet së pari tek përgatitja shpirtërore
e besimtarëve shqiptarë të argjipeshkvisë së Tivarit për Kohën e Ardhjes:
Viti i ri
liturgjik sapo ka filluar. Cilat janë synimet kryesore të veprimtarisë suaj baritore?
Dihet se ndjekja
e Kishës nga ana e besimtarëve është gur themeli për edukimin e tyre shpirtëror…
Sa e frekuentojnë Kishën besimtarët tuaj?