Presidenti rus, Vladimir Putin mund të bëhet kryeministër
(11.12.2007 RV)Të kthehemi tek mbledhja e së premtes në Bruksel, e cila do
të diskutojë edhe tema të tjera, përveç çështjes së Kosovës. Së pari, do të miratojë
të ashtuquajturin “Grup reflektimi për horizontet 2020-2030”. Ai do të ketë për detyrë
të vlerësojë dhe analizojë sfidat e 20 viteve të ardhshme. Në vitin 2010 duhet të
paraqesë raportin e parë për modelin ekonomik, përgjegjësinë shoqërore, zhvillimin,
sigurinë globale, emigracionin, energjinë, klimën dhe terrorizmin. Që të premten do
të diskutohet gjerësisht edhe për emigracionin nga Rumania dhe për romët, në mënyrë
që të përcaktohet politika evropiane për integrimin dhe përfshirjen shoqërore të tyre.
Presidenti aktual rus, Vladimir Putin mund të bëhet kryeministër.
Të nesërmen e përkrahjes së Putinit për kandidaturën e Dmitri Medvedev si pasardhës
i tij në Kremlin, ky i fundit pohon se kur t’i përfundojë mandati, presidenti mund
të bëhet kryeministër. Zgjedhjet presidenciale në Rusi do të zhvillohen më 2 mars
2008.