Адбылася яна ў зале імя Папы Паўла 6-га. Маем перад Калядны пэрыяд. Прысутнічала
на ёй многа вернікаў і паломнікаў з кожнага кутку сьвету. У сваёй сёньняшняй
катахэзе Папа працягваў свой цыкл катахэзаў пра Айцоў Царквы. Гаварыў аб Сьвятым
Храматыю. Сьвяты Храматый, біскуп
Аквілеі, з якім сёньня жадаем лепш пазнаёміцца, нарадзіўся ў 345-м годзе. Як прэзьбітар,
блізкі супрацоўнік біскупа Валерыяна, ў 381-м годзе ўдзельнічаў у характары экспэрта,
ў Анты-арыянскім Сынодзе. Быў прыяцелям Сьвятых: Амброзія, Гераніма, Руфіна, Яна
Хрызастома. Пасьвячэньне ў біскупа- сказаў далей Папа ў сваёй сёньняшняй катахэзе-
атрымаў з рук Сьвятога Амброзія ў 388-м годзе. Быў у пашане за асаблівую жыцьцёвую
мудрасьць і руплівую паслугу. На жаль ягоныя пісьмы ды цудоўны кнігазбор, сабраныя
ў біскупскай сядзібе, былі раскрадзеныя і зьнішчаныя готамі і гунамі ў часе нашэсьця
нк Аквілею. Да нашых часоў – працягваў Сьвяцейшы Айцец- зьбераглося каля 40-а яго
казаньняў, 60-т трактатаў ды камэнтарый да Эвангэльля Сьвятога Матэя. Тэаланічная
думка Храматыя засяроджваецца навокал Хрыста і Касьцёла. Уздымаў таксама тэму Сьвятой
Тройцы ды Асобы Божае Маці. Пытаньні з галіны эклезыялогіі разьвінуў асабліва ў камэнтары
да Эвангэльля Сьвятога Матэя. Заахвочваў вернікаў да шчырае малітвы і даверу ў Божую
Міласэрнасьць. Гэтае заахвочаньне як і яго навучаньне- сказаў на заканчэньне сваёй
катахэзы Бэнэдыкт 16—астаюцца актуальнымі таксама і для нас. На заканчэньне
аўдыенцыі Сьвяцейшы Айцец прывітаў усіх вернікаў, асабліва хворых, моладзь ды новыя
шлюбныя пары, надзяляючы на ўсіх сваё Апостальскае Блаславенства.