70 мусульманаў прызнаваныя "праведнікамі народаў свету" Сярод іх - шмат албанцаў.
У ізраільскім музеі галакосту "Яд Ва-шэм" ідзе фотавыстава амерыканскага фотадакументаліста
Нормана Гіршмана. Яна адлюстроўвае албанскіх праведнікаў - людзей, што, рызыкуючы
ўласным жыццём, выратоўвалі яўрэяў. "Кодэкс гонару.Албанскія мусульмане" - назва
выставы. У Албаніі напачатку 20 стагоддзя было няшмат яўрэяў - з пару соцень. У часах
2 Сусветнай вайны ў краіну прыбыло шмат яўрэйскіх уцекачоў з Германіі, Аўстрыі,Югаславіі,
Сербіі. Калі ў 1943 годзе ў Албанію ўвайшла гітлераўская армія, албанцы адмаўляліся
выдаваць нацыстам яўрэяў. " Гэта - унікальная старонка гісторыі,- расказала журналістам
куратар выставы Егудзіт Шэндар.Цэлая албанская нацыя - ад урада да простых грамадзянаў
- дапамагала яўрэям. Прычым, большасць рабіла гэта, кіруючыся запаветамі сваёй рэлігіі
- Іслама". Дапамога людзям базавалася на прынцыпе, які называецца ў албанцаў "беза"
- вернасць абяцанню. Гэта - адна з галоўных цнотаў мусульманаў па Каране. "Чаму мой
бацька выратоўваў чужака, рызыкуючы ўласным жыццём?"- пытаецца сын праведніка народаў
свету Алія Шэчар.І сам адказвае:"Бацька быў пабожным мусульманінам і верыў, што выратаванне
жыцця чалавека адчыніць яму вароты Раю".