Papa emëroi profesor Antonio Paoluçin drejtor të Muzeve të Vatikanit.
(04.12.2007 RV)Muzetë e Vatikanit janë një kompleks me pasuri historiko-artistike
të pallogaritshme, me 500 vjet histori mbi supe. Vizitohen çdo vit nga më se tre
milion persona. Deri tani drejtoheshin nga doktor Françesko Buraneli, që Papa e emëroi
sekretar të Komisionit Papnor për Pasuritë kulturore të Kishës dhe inspektor të Komisionit
Papnor të Arkeologjisë kishtare. Kujtojmë se drejtori i ri i Muzeve njihet si një
nga specialistët më të mëdhenj të historisë së artit.