Sot Benedikti XVI vizitoi Spitalin romak të Shën Gjon Pagëzuesit, që drejtohet nga
Urdhëri Sovran Ushtarak i Maltës.
(02.12.2007 RV)Ati i Shenjtë u prit në hyrje të spitalit nga Princi dhe Mjeshtri
i Madh, Vëllau Andre Bertje dhe nga disa personalitete të tjera të Urdhërit. Më
pas Papa kremtoi Meshën Shenjte në praninë e 350 besimtarëve, ndërmjet të cilëve
të sëmurë, mjekë, infermierë e familjarë të të sëmurëve. Në fillim të liturgjisë
Benediktin XVI e përshëndetën një drejtues dhe një i sëmurë. Në përfundim të Meshës,
Ati i Shenjtë vizitoi Repartin e reanimacionit, ku ishin të shtruar 10 të sëmurë
në gjendje kome e gjysëm kome. Pak para mesditës, Benedikti XVI u rikthye në Vatikan
për lutjen e Engjëllit të Tënzot me besimtarët, të cilët e prisnin në Sheshin e Shën
Pjetrit. Në qendër të vëmendjes: Shpresa dhe Feja. Me hollësirat do t’ju njohim
në emisionin e ardhshëm.