(30.11.2007 RV)Kthehemi në mbledhjen Itali-Francë që u zhvillua sot në Nicë.
Në Romë, siç deklaroi presidenti francez Nikolas Sarkozì, do të zhvillohet së shpejti
një takim për Bashkimin Mesdhetar, ide e kreut të Elizeut për të krijuar një forum
të privilegjuar bashkëpunimi në Mesdhe. Temat për veprimtari të përbashkëta janë të
shumta dhe shkojnë nga ambienti, tek zhvillimi ekonomik, siguria dhe dialogu ndërkulturor.
Mbledhja e parë e Bashkimit Mesdhetar, duhet të mbahet në qershor 2008 në Paris, kur
Franca do të marrë presidencën e Bashkimit Evropian.
Përfundoi sot në Gjenevë
Konferenca e 30-të ndërkombëtare e Kryqit të Kuq dhe e Gjysmëhënës së Kuqe. Katër
janë përparësitë që u vunë në dukje nga pjesëmarrësit, ndër të cilët edhe Vëzhguesi
i përhershëm i Selisë së Shenjtë në OKB. Ato janë pandemitë, dhuna urbane, degradimi
ambiental dhe emigracionet. Është nënshkruar gjithashtu një rezolutë që lejoi dje
hyrjen e ambulancave palestineze në territorin izraelit.