28 Nëntor 2007: Nën palët e Flamurit Kombëtar

(27.11.2007 RV) - Antologji e vogël me himne
HIMNI I FLAMURIT KOMBËTAR

Rreth flamurit të përbashkuar
Me një dëshir’ dhe një qëllim,
Të gjith’ atij duk’ ju betuar
Të lidhim besën për shpëtim.
Prej lufte veç ay largohet
Që është lindur tradhëtor,
Kush është burrë nuk friksohet,
Por vdes, por vdes si një dëshmor!  
Në dorë armët do t’i mbajmë
të mprojmë atdhenë në çdo kënd,
Të drejtat tona ne s’i ndajmë,
Këtu armiqtë s’kanë vend.
Se Zoti vetë e tha me gojë
Që kombe shuhen përmbi dhe,
Po Shqipëria do të rrojë,
Për të, për të luftojmë ne!  
O flamur, flamur,shenj’ e shenjtë,
Te ty betohemi këtu,
Për Shqipërin’ atdhen’ e shtrenjtë,
Për nder’ edhe lavdimn’ e tu.
Trim, burrë quhet dhe nderohet
Atdheut kush ju bë theror;
Për jet’ ay do të kujtohet
Mi dhet, mi dhe si një shënjtor!  
Fjalët e poetit rumun Ion Barsan, shqipëruar nga Aleksandër Stavre Drenava,
muzikuar nga Ciprian Porumbescu

 
Atë Gjergj Fishta
 
HIMNI I FLAMURIT KOMBTÁR

¹ Porsi fleta e Êjllit t’ Zotit
Po rreh Flamuri i Shqypnís
E thrret t’bijt e Kastrijotit
Me u mbledhë tok nder çetë t’ushtrís.


² Bini, Toskë, ju, bini Gegë!
Si dy rrfé, qi shkojn tue djegë!
A ngadhnyesë a t’gjith deshmorë!
Trima, mbrendë! Me dorë! Me dorë!


³ Për mbas Flamurit t’vet Shqyptari,
Kúr rrokë armët per t’drejta t’veta,
Atje lufta ndezet zhari,
Atje anmiku vêhet m’t’leta.
Bini, Toskë! etj.


⁴ Mbi njatë Flamur Perendija
Me dorë t’vet Ai e ka shkrue:
“Për Shqyptarë do t’jét Shqypnija:
Kush u a prekë, ai kjoftë mallkue!”
Bini, Toskë! etj.
⁵ Shka? a thue ‘i mend se atë tokë t’ bekueme,
Qi vetë Zoti na ka dhânun,
Sod me e shkelë kamba e poshtnueme
E nji t’huej’t na kem’ m’ia lânun?
Bini, Toskë! etj.
⁶ Ah; jo, kurr. Njiqind herë para
Kem’ me u shkrî me grá, me fmi!
Kem’ me mbetë kortar nder ara,
Se me shkelë lâmë t’ huej’n n’ Shqypní.
Bini, Toskë! etj.
⁷ M’kambë , Sokola të Shqypnís!
Flamri i ynë, qe, n’ajr po shtiellet
Si pol veshet t’Perendís,
Kah na bân hije prej qiellet.
Bini, Toskë! etj.
⁸ Mâ mirë dekë me u shue nen hije
T’Flamrit t’onë në fushë t’mejdanit,
Se me rrnue nji jetë robnije
Për nen sukuj t’huejë t’Balkanit.
Bini, Toskë! etj.
⁹ Armët e besën na i njeh bota;
Trima n’ zâ kem’ pasun t’ Parët,
Luften né na e msoj Kastrjota:
Kê, theu, frigë, do t’ kén Shqyptarët?
Bini, Toskë! etj.
¹⁰ Urra! djelm, eh ’u dhashtë e mbara!
Sod a kurr, me dekë p’r Atdhé!
Flamri i ynë, qe, u nis përpara:
Ndihmo, Zot, për Atme e Fé!
Bini, Toskë! etj.




Fan S. Noli
HYMNI I FLAMURIT
O Flamur gjak, o Flamur shkabë,
O vënt e vatr' o nën' e babë,
Lagur me lot, djegur me flagë,
Flamur i kuq, Flamur i zi.
⁵ Fortesë shkëmbi tmerr tirani,
S'të trëmp Romani, as Veneciani,
As Sërp Dushani, as Turk Sulltani,
Flamur i math për Vegjëli.
¹Flamur që lint Shën Kostandinin,
¹⁰ Pajton Islamn' e Krishtërimin,
Çpall midis feve vllazërimin,
Flamur bujar për Njerëzi.
Me Skënderben' u lavdërove
Dhe në furtun' i funtmi u-shove,
¹⁵ Me Malon prapë lart vrapove,
Yll i pavdekur për Liri.
Sa shpesh pastaj për-dhe u-shtrive
Me zjarr e zi u ndeze, u nxive,
Po çdo mizor me shpat' e grive,
²⁰ O fushë-kuq, o shkabë-zi.
Përpjetë prije Shqipërinë,
Përlintja shpirtin dhe fuqinë,
Diell për vllanë, yrnek për fqinë
Për botën ëndr' e qjell i ri!


Zef Pali
Flamurit

N’nji shesh ngjyr’ gjaku nën rreze t’diellit
Zbriti Shqiponja pushoi mbi tise;
Nji flak’ e kuqe n’hapsin’ të qiellit
Dha drit’ e zjarrin hapi n’kto vise.


Përhidhu Flamur
Mbi kshtjelle t’ueja
Çerdhen e t’Parvet
Shqipeve rueja.


N’fushat gjelbrore, n’malet shkambore,
Nji zemër rrahi, nji gjuh’ u-ndi,
Kaluene shekujt kapun për dore,
N’gjak u-pagzuene Shqiptar’t e rí.


Përhidhu…


Iliri i hovshëm t’pat Pris n’fitime,
Palla e Kruetanit më ty ç’vringlloi
Nën Ty u endën trimní t’ pandieme
T’fal’mi, o Flamur, shenj’ për Heroj!


Përhidhu…