(25.11.2007 RV)Jezus Zot, je mbreti ynë që prej amshimit. Na prin ti
përjetësisht si prijës i ëmbël e i fortë. Je mbret, po s’je larg nesh, të
kemi gjithnjë pranë, si Mbret mbërthyer në Kryq, që veten s’e shpëton për
të na shpëtuar ne. Mbi Ty, që more mbi vete, të gjitha mëkatet tona sytë
i mbajmë ngulur plot me besim e shpresë. Të lutemi, na prij drejt Mbretërisë,
që Zotin pajton me njeriun. Portat e qiellit na i hap, portat e shtëpisë
së gëzimit,portat e zemrës sate!