Ngushëllimet e Benediktit XVI për tragjedinë në minierën ukrainase Zasiado.
(20.11.2007 RV)Papa shpreh dhimbjen dhe solidaritetin e tij për aksidentin
në minierën ukrainase të Zasiado, që shkaktoi vdekjen e më se 90 minatorëve, në sa
të tjerë nuk janë gjetur akoma. Në një telegram, nënshkruar nga sekretari i Shtetit
të Vatikanit, kardinali Tarçizio Bertone, drejtuar nuncit apostolik në vend, kryeipeshkvit
Ivan Jurkoviç dhe presidentit të Ukrainës, Viktor Jushenko, Papa – lexohet në telegram
– u shpreh ngushëllimet e tij familjarëve të viktimave, autoriteteve qeveritare dhe
mbarë kombit, duke u lutur për të plagosurit dhe për të gjithë ata që vuajnë për humbjen
dramatike të të dashurve.