Dokumenti katoliko-ortodoks i takimit të Ravenës: pranohet paria e ipeshkvit të Romës
në Kishën universale, por të studiohen funksionet dhe privilegjet e posaçme.
(15.11.2007 RV)“Sipas historisë
dhe traditës kishtare, ipeshkvi i Romës konsiderohet protos, dmth ‘i pari’ si ndërmjet
patrikëve të Kishave të Perëndimit, ashtu edhe ndërmjet atyre të Lindjes. Gjithsesi,
privilegjet që rrjedhin nga një pari e tillë, duhen studiuar më mirë, për t’u pranuar
nga të dyja traditat”. Kështu mund t’i përmbledhim shkurtimisht përfundimet në të
cilat arrihet në dokumentin e rëndësishëm, që u publikua sot nga Komisioni i përbashkët
ndërkombëtar për dialogun ndërmjet Kishës katolike e asaj ortodokse. Dokumenti është
fryt i takimit të fundit të Komisionit të përbashkët, mbajtur një muaj më parë në
Ravenë.