Serzh Bramerc do të jetë kryeprokurori i ri i Gjykatës së Hagës
(14.11.2007 RV)Serzh Bramerc, i cili ka kryesuar komisionin ndërkombëtar mbi
vrasjen e kryeministrit libanez Rafik Hariri, do të jetë pasardhësi i Karla Del Pontes
në Gjykatën e Hagës. Me një letër drejtuar Këshillit të Sigurimit të OKB-së, sekretari
i përgjithshëm Ban Ki-Mun konfirmoi dje atë që pritej, pas deklaratës së Del Pontes
se do të lërë detyrën në fund të vitit.
Negociata të drejtpërdrejta
ndërmjet Beogradit e Prishtinës pa kufizime kohore. Ky është propozimi i ministrit
të jashtëm rus, Sergei Lavrov për arritjen e një kompromisi mbi statusin e Kosovës.
Lavrov foli në një konferencë shtypi të përbashkët me homologun e tij slloven, Dimitrij
Rupel nga Ljubljana ku ndodhet për vizitë. Që nga 1 janari 2008, Sllovenia do të marrë
në dorë presidencën e Bashkimit Evropian.