Më 13 dhjetor Papa do të takohet me universitarët romakë në përgatitje të Krishtlindjes;
do të arrijë nga Shqipëria Ikona e Zojës ‘Selia e dijes’.
(14.11.2007 RV)Të enjten, më 13 dhjetor, në bazilikën e Shën Pjetrit në Vatikan,
do të mbahet takimi tradicional i bashkësisë universitare me Benediktin XVI. Përsëritet
kështu – nënvizon një Komunikatë e Vikariatit – takimi i studentëve me Papën në përgatitje
të Krishtlindjes, organizuar për herë të parë nga Gjon Pali II në vitin 1979. Sipas
programit, në orën 17. 00 do të kremtohet Eukaristia, kryesuar nga kardinali- vikar
Kamilo Ruini. Në përfundim të ritit, të rinjtë do të takohen me Papën. Me këtë rast
do të vijë nga Shqipëria Ikona e Zojës ‘Selia e Dijes’ e cila nga data 9 deri më 13
dhjetor, me rastin e Takimit evropian të studentëve universitarë, do të vizitojë
disa famulli romake. Në përfundim të takimit me Benediktin XVI, studentët shqiptarë
do t’ia dorëzojnë Ikonën delegacionit të studentëve rumunë, që do ta mbajnë deri më
1 mars 2008, kur Salla e Palit VI në Vatikan do të lidhet me Bukureshtin me rastin
e Ditës VI evropiane të universitarëve.