Выйшла цiкавая кнiга айца-езуiта, якi выкладае ў Папскiм Грыгарыянскiм унiверсiтэте.
У Апостальскай сталiцы адбылася прэзентацыя фотаальбома аб Сыкстынскай капелле нямецкага
iезуiта i гiсторыка Генрыха Пфайффера. Выданне налiчвае 320 старонак, на якiх дэталёва
вывучана хiба адна з самых вядомых фрэсак у свеце – твор Мiкеланджело – “Страшны суд”,
пасля заканчэння яе рэстаўрацыi ў 1994 годзе. У сваiх каментарыях а. Пфайффер
звярнуў увагу на тэалагiчны аспект згаданага шэдэўра. Кнiга пад назвай “Сiкстынская
капелла – новае адкрыццё”, якая ўжо была выстаўлена на друкарскiм кiрмашы Франкфурта,
была перакладзена на iтальянскую, французскую, англiйскую i гiшпанскую мовы. Рыхтуецца
выданне таксама на польскую мову. Тэкст кнiгi, разлiчаны на шырокае кола чытачоў,
заснаваны на артыкулах аўтара, якiя былi напiсаны ў 90-х гадах мiнулага стагоддзя.
Айцец Пфайффер ў сваёй працы не згаджаецца з iснуючай дыскусiяй аб рэлiгiйным
сымвалiзме Мiкеланджело. З 1986 года ён выдае гiсторыю мастацтва ў славутым Папскiм
Грыгарыянскiм унiверсiтэте, якi быў заснаваны ў Рыме айцамi-езуiтамi ў сярэдзiне XVI°
стагоддзя. Пад час прэзентацыi сваёй працы а. Пфайффер крытыкаваў сучасную царкоўную
архiтэктуру. Сёння будуецца вялiкая колькасць цэркваў “без значэння”, - заявiў айцец-езуiт.
Ён спадзяецца, што выданая кнiга падштурхне архiтэктараў i мастакоў пераглядзець свае
пазыцыi. Мастацкае афармленне храмаў павiнна, - мяркуе аўтар выдання, - даць вернiкам
пачуццё, што яны сапраўды члены Царквы.