(11.11.2007 RV)Mos e harro Krijuesin... përpara se të vijnë ditët e zymta (
Prej Librit të Kohelet 11, 9-12. 8)
Rri në gëzim, o i rí, në riní
tande, e zemra jote të mbushet me haré në ditët e djelmënisë sate. Ndiqi, po,
rrugët e zemrës sate e dishiret e syve tú. Dije, veç, se mbi tana këto Perendia
ka me të lypë gjyq. Largoje trishtimin prej zemrës sate, kurseja trupit tand
dhimbën, përsè rinia e flokët e zez janë frymë që kalon. Të biejë ndër mend
për Krijuesin ndër ditët e rinisë sate, përpara se të vijnë ditët e zymta, e
të mërrijnë vjetët, për të cilat ka me t’u dashtë me thanë: “Kurrfarë kënaqe nuk
ndiej, përpara se të xêhet dielli, të erret drita, hana e hyjtë e të kthejnë
rishtas rêtë mbas shiut; atëherë kur rojet e shtëpisë kanë me u dridhë e kanë
me u kukëzue trimat e kanë me lanë punën ata që bluejnë, përsè kanë mbetë pak e
kanë me marrë hije të zymtë ata që shikjojnë prej dritoreve, e kanë me mbyllë dyert
që janë në rrugë; kur ka me u pakue zhurma e mokëns e s’ka me u ndie ma cingrimi
i zogjve e kanë me prâ tana mekamet e kangës; kur ka me u frigue njeriu prej
naltësive rrugët kanë me u bâ shauret; kur ka me lulëzue bajami e s’ka me
këcye ma kacaleci e kaparina s’ka me pasë fuqí, përsè njeriu shkon në banesën
e pasosun e vajtoret tashma sjellen nëpër rrugë; përpara se të këputet vargoni
i argjandë e kandili i artë të thehet e të coptohet shtamba te kroni e makarja
të biejë në pus e të kthejë pluhni në tokë, ku ishte përpara, e shpirti të kthejë
te Zoti, që e ka krijue. O kotní e kotnive, - thotë Kohelet - gjithçka asht
kotní!
Fragment nga Bibla e plotë, përkthye prej Atë Daniel Gjeçajt
OFM në dialektin gegë (dorëshkrim)