17 vjet më parë në varrezën e Rrëmajit në Shkodër u kremtua Mesha e parë, ende nën
thundrën e diktaturës.
(04.11.2007 RV)Kanë kaluar 17 vjet nga 4 nëntori 1990, që mbeti i paharruar
në mendjen e zemrën e shkodranëve e të të gjithë shqiptarëve, që nuk e kishin harruar
Zotin, pas një gjysëm shekulli ateizmi shtetëror. Një grup i vogël besimtarësh, në
sa pastronin, nën një shi të imtë vjeshtark, varret e të dashurve, të thyera e të
përdhunuara, në prag të shkatërrimit të plotë, panë të mahnitur një meshtar që ngjitej
në elterin e sajuar me një tryezë të thjeshtë, në kapelën e djegur të Varrezës e që
fillonte kremtimin e Meshës, ende nën diktaturë. Ishte dom Simon Jubani, i cili
kujton në mikrofonin tonë, ngjarjet që do të pasonin atë ditë të madhe: