Berisha:Shqipëria mbështet zgjidhjen e statusit final të Kosovës
(31.10.'07 RV)Shqipëria ka mbështetur, mbështet dhe do të mbështesë zgjidhjen e
statusit final të Kosovës, në përputhje me vullnetin e qytetarëve të saj për pavarësi,
tha Kryeministri i Shipërisë Sali Berisha në "Konferencën e Ambasadorëve 2007" në
Tiranë. Shpesh shtrohet pyetja pse kjo mbështetje, pyeti Berisha, duke thënë se
"ka vetëm një përgjigje: ne mbështesim pavarësinë e Kosovës, sepse mbështesim paqen".
Duke folur para diplomatëve shqiptarë, Berisha theksoi se paqja është kryesore për
Shqipërinë si "dhe padyshim dinjiteti i qytetarëve shqiptarë në Kosovë".Prandaj ideja
e dy shteteve shqiptare është thjesht ksenofobi, tha kryeministri Sali Berisha
E
Shefi i UNMIK, Ryker anullon viziten e tij ne Tirane. Shkak për anullimin e vizitës
së shefit të UNMIK është bërë një defekt para nisjes në helikopterin me të cilin ai
do të udhetonte.
Kosove, zv/shefi i UNMIK-ut, Stiven Shuk nen akuze per
korrupsion. Një investigim nga ekspertë të OKB, ka arritur në perfundimin se
administrata e UNMIK në Kosovë është përfshirë në një sërë aferash korruptive nga
skandalet që nga keqmenaxhimi i aeroportit të Prishtinës deri te vrasja e 2 protestueve
në shkurt të këtij viti nga paqeruajtësit rumunë, që përdorën plumba gome të 13 viteve
më parë, tek liçensimi i disa firmave si dhe procesi i shumëdiskutuar i privatizimit.
Kjo është bërë e ditur sipas një investigimi të ekspertëve të Kombeve të Bashkuara,
në një artikull lidhur me të cilin është publikuar dje në faqen e internetit të OKB-së.