Kërkimi i së vërtetës, për t’iu kundërvënë rrezikut të protagonizmit, në qendër të
Mesazhit të Papës për Ditën Botërore të Komunikimeve Shoqërore.
(30.10.2007 RV“Mjetet e komunikimit
shoqëror: në udhëkryq ndërmjet protagonizmit e shërbimit. Të kërkohet e vërteta, për
ta mbështetur”- është tema e zgjedhur nga Papa Benedikti XVI për Ditën e 24-t Botërore
të Komunikimeve Shoqërore 2008. Është një ftesë për të reflektuar mbi rolin e mediave,
duke pasur parasysh rrezikun që ata t’i shërbejnë vetvetes e të mos jenë më mjete
që i shërbejnë vetëm së vërtetës, e cila duhet kërkuar e mbështetur – pohon kryeipeshkvi
Klaudio Maria Çeli, Kryetar i Këshillit Papnor të Komunikimeve Shoqërore, dikaster
i Selisë së Shenjtë që përgatit dokumentet e nevojshme për studim dhe materialin liturgjik
lidhur me temën. Ky material, pastaj, u shpërndahet Konferencave Ipeshkvnore dhe organizatave
katolike ndërkombëtare të komunikimeve shoqërore. Dita Botërore e Komunikimeve
Shoqërore, e vetmja ditë botërore e themeluar nga Koncili II i Vatikanit (‘Inter Mirifica,
1963), në shumë vende, me porosi të ipeshkvijve, kremtohet të dielën që i paraprin
Rrëshajve. Dita e ardhshme do të kremtohet më 4 maj 2008.Sipas traditës, Mesazhi i
Papës për Ditën Botërore të Komunikimeve Shoqërore publikohet më 24 janar, me rastin
e festës së Shën Françeskut të Sales, pajtor i gazetarëve.