Del Ponte në Serbi: nuk pengoj integrimin në Evropë, por dua arrestime
(26.10.2007 RV)Dita e dytë e vizitës së kryeprokurores së Gjykatës së Hagës,
Karla del Ponte në Serbi. Nuk dua të pengoj rrugën e Serbisë drejt Bashkimit Evropian
– ka deklaruar ajo – por përsëris se katër të kërkuarit për krime lufte, akoma të
pakapur, duhet të ekstradohen sa më shpejt. Del Ponte akuzoi autoritetet e Beogradit
se u mungon vullneti politik për dorëzimin e kriminelëve, pavarësisht se janë bërë
hapa përpara drejt një bashkëpunimi më të mirë.
Zgjidhja e çështjes së Kosovës,
programi bërthamor i Iranit dhe marrëveshja e re e partneritetit ndërmjet Rusisë
dhe Bashkimit Evropian do të jenë ndër temat kryesore të samitit BE-Rusi në qytetin
portugez Mafra. Presidenti rus Vladimir Putin do të takohet me liderët e BE-së për
herë të fundit para largimit nga detyra. Mbrëmë, Putin bëri thirrje për "durim"
lidhur me statusin e Kosovës, por nuk harroi të nënvizojë se pavarësia e saj mund
të inkurajojë separatizmin në Evropë.