Benedikti XVI priti kryeministrin e Republikës së Islandës, Geir Haarde.
(26.10.2007 RV)“Impenjim i përbashkët në favor të paqes, luftë kundër varfërisë
e politikë që mbron ambientin”. Këto ishin temat kryesore që u prekën gjatë takimit
të Atit të Shenjtë dhe kryeministrit të Republikës së Islandës, Geir H. Haarde,
i cili u prit sot paradite në audiencë private në Pallatin Apostolik të Vatikanit.
Pas bisedimeve me Papën, kryeminstri islandez u takua edhe me sekretarin e
Shtetit të Shenjtërisë së Tij, kardinalin Tarçizio Bertone si dhe me sekretarin për
marrëdhëniet me shtetet, kryeipeshkvin Dominik Mambertì. Siç njofton një notë e Sallës
së Shtypit të Selisë së Shenjtë, bisedimet u zhvilluan në një atmosferë të ngrohtë
respekti reciprok. Gjatë audiencës u theksua edhe ndihmesa e shquar që i jep Kisha
katolike shoqërisë, posaçërisht në fushën arsimore, edukative e shoqërore.