Java për çarmatimin, por rriten shpenzimet ushtarake
(24.10.2007 RV)Hapet sot java për çarmatimin, promovuar nga OKB-ja për të frenuar
garën e armatimeve e për të nxitur paqen, përballë rritjes së shpenzimeve ushtarake
në botë. Ne Mesazhin e tij të parë për Ditën Botërore të paqes 2006, Papa Benedikti
XVI pati thënë me trishtim: “Në amullinë e moçalit të indiferencës së përgjithshme
qëndron procesi politik e juridik për konsolidimin e rrugës drejt çarmatimit”. Vetëm
vitin e kaluar shpenzimet ushtarake në botë janë rritur me 3,5%, duke arritur në 1204
miliard dollarë, apo 184 dollarë për çdo banor të Tokës. Shifër që skandalizon edhe
më tepër po të mbahet parasysh se do të mjaftonin vetëm 760 miliard dollarë për të
zhdukur vrafërinë brenda vitit 2015.
Vazhdon kriza Turqi-Irak për
problemin e kurdëve të Partisë së Punës së Kurdistanit. Parlamenti i rajonit autonom
kurd në Irak u mblodh sot për të vendosur disllokimin e milicëve kurdë, peshmerga,
në kufi. Lideri i rajonit, Masud Barzani u ka bërë thirrje separatistëve të ndalin
inkursionet e tyre në Turqi. Kjo e fundit ka tashmë rreth 100 mijë ushtarë në kufi.
Emergjencë
nga zjarret në Jug të Kalifornisë, deri në kufi me Meksikën. Deri tani, flakët
kanë shkaktuar 5 të vdekur e rreth një milion vetë janë shpërngulur. Është evakuimi
më i madh i popullsisë që është bërë ndonjëherë në shtetin amerikan. Pentagoni ka
dërguar në vend 6 avionë me kapacitet 12 mijë litra secili, por vatrat e zjarrit akoma
nuk janë shuar.