Papa pret në audiencë ipeshkvijtë e Kongos në vizitë ‘ad Limina’.

(19.10.2007 RV)“Të rizbulojnë pasurinë e Ungjillit, duke e dëshmuar fenë në Krishtin me një sjellje të paqortueshme”: këtë porosi u dha sot Benedikti XVI prelatëve të Republikës së Kongos, që njihet si Kongo-Brazavil, të cilët i priti në Vatikan me rastin e vizitës së tyre ‘Ad Limina’ – tek Varret e Apostujve. Biseda e Papës me Ipeshkvijtë zgjati shumë e preku temat më të rëndësishme për Kishën kongoleze, që nga pajtimi kombëtar, tek formimi i meshtarëve, nga impenjimi i të krishterëve në shoqërinë civile, tek mbrojtjea e vlerave familjare.