Французскiя бенедыктынцы выступаюць супраць насiлля ў Бiрме.Акрамя таго, яны вырашылi
правесцi 27 кастрычнiка дзень паста i малiтвы. Менавiта ў гэты дзень 21 год таму у
iтальянскiм горадзе Ассiзi, на чале са Свяцейшым Айцом Янам Паўлам II°, было праведзена
спатканне, пад час якога прадстаўнiкi розных рэлiгiй i хрысцiянскiх канфесiй малiлiся
за мiр ва ўсiм свеце.
Законнiкi i законнiцы Францыi, якiя належаць да закона св. Бенедыкта накiравалi пасланне
салiдарнасцi бiрманскiм будыстскiм манахам i ўсяму народу Бiрмы. У лiсце, накiраваным
да пасла Бiрмы ў Францыi, а. Пiлiп Пiрон, старшыня аб’яднання законнiкаў Францыi,
напiсаў: “мы з глыбокiм жалем успрынялi весткi, якiя дайшлi да нас з Бiрмы. Гэтыя
падзеi не могуць быць успрынятыя вамi абыякавым чынам”. У лiсце законнiкаў асуджаецца
насiлле, якое ўжываецца каб выкаранiць вялiкi рух, што нарадзiўся ў бiрманскiм народзе,
каб спрыяць годнасцi чалавека i сапраўднай свабодзе. На нашу думку, тое, што здарылася,
з’яўляецца цяжкiм парушэннем праў чалавека i накiравана супраць усiх высiлкаў усталяваць
сапраўдны мiр”. Копii лiста накiраваны мiнiстру замежных спраў Францыi, сп. Бернару
Кушнэру, французскаму паслу ў Бiрме, сп. Жану Пьеру Ляфосу, Старшыне Бiскупскай канфярэнцыi
Францii, кардыналу Жану Пьеру Рыкару i Апостальскаму нунцыю ў Францыi, монс. Фортунато
Балделлi.