Канстантынопальскi Патрыярх Барталамей I° наведае iтальянскi горад Амальфi, дзе знаходзяцца
рэшткi св. апостала Андрэя, якiя 800 гадоў таму былi перанесеныя ў мясцовую базiлiку
з Канстантынопаля. Раней рэшткi апостала знаходзiлiся ў базылiцы Святых Апосталаў
у Канстантынопалi. “Гэты вiзiт аднаўляе старажытную сувязь памiж Амальфi i Канстантынопалем,
якая мела месца ў Сярэднявеччы”, - напiсаў у сваiм лiсце да вернiкаў арцыбiскуп Амальфi,
монс. Орацiо Сорiчеллi, лiст якога прымеркаваны менавiта да вiзiта высокага госця.
Сусветны Патрыярх прыбудзе ў Амальфi 22 кастрычнiка. “Сёння, - пiша ў сваiм пасланнi
арцыбiскуп Сорiчеллi, - у святле экуменiчнага руху, якi кiруецца Святым Духам, гэты
вiзiт сцвярджае ролю, што ўжо выконвае наша Царква ва ўзаемным пазнаннi памiж праваслаўнымi
i католiкамi”. “На самой справе, заўважваецца вялiкае павелiчэнне колькасцi пiлiгрымаў,
якiя прыязжаюць з Расii i Украiны для таго, каб памалiцца ў рэшткаў Апостала”, - зазначыў
арцыбiскуп Амальфi. Ён адзначыў, што ў апошнi час значна павялiчылася колькасць iнiцыятыў
рэлiгiйнага i культурнага характара, якiя праводзяцца разам з многiмi усходнiмi Цэрквамi.
Iтальянскi арцыбiскуп запрашае ўсiх мясцовых хрысцiянаў прыняць актыўны ўдзел у спатканнi
з Канстантынопальскiм Патрыярхам, якое пройдзе пры заступнiцтве Мацi Божай i Апостала
Андрэя i павiнна паслужыць аднаўленню хрысцiянскай еднасцi.