Me Meshën në si minor e Johan Sebastian Bahut u mbyll Festivali ndërkombëtar i Muzikës
Kishtare.
(14.10.2007 RV)Festivali Ndërkombëtar i Muzikës Kishtare u hap solemnisht të
mërkurën e kaluar në Bazilikën e Vatikanit me Meshën “Tu es Petrus” – ‘Ti je Pjetri’
të gjermanit Volfgang Saifen, kushtuar Benediktit XVI me rastin e 80-vjetorit. Mesha
u luajt nga Orkestra Simfonike e Universitetit të Berlinit si dhe nga Filarmonia e
Kori i Filarmonisë studentore Humbolts, nën drejtimin e Kostantin Aleks, me pjesëmarrjen
e 150 zërave e 100 instrumentistëve, të shoqëruar nga tingujt e organos monumentale. Festivali
vijoi të enjten, në Bazilikën e Shën Palit jashtë mureve të Romës, me Meshën e Rekuiem
të kompozitorit Gjuzepe Verdi, ekzekutuar nga Filarmonia e Vjenës dhe Kori i Akademisë
Italiane të Shën Çeçiles. Të premten protagoniste ishte Bazilika e Shën Marisë
së Madhe, ku u luajt muzikë kishtare e 1600-tës.Festivali u mbyll dje me Meshën në
si minor e Johan Sebastian Bahut, ekzekutuar në Bazilikën e Shën Gjonit në Lateran.