Nobeli për paqen Al Gorit dhe Komitetit të OKB-së për klimën
(12.10.2007 RV)U dorëzua sot në
Oslo Çmimi Nobel për paqen 2007. Juristët u njohën Komitetit të OKB-së për ndryshimet
e klimës dhe ish-nënpresidentit amerikan Al Gor, impenjimin për të ndërgjegjësuar
popujt dhe qeveritë mbi ndryshimet e klimës të shkaktuara nga njeriu dhe për të vendosur
bazat e masave të nevojshme për t’i luftuar këto ndryshime. Fitimtarët u zgjodhën
ndër 181 kandidatë dhe do të ndajnë mes tyre 1 milion e gjysëm dollarë. Për herë të
parë, ruajtja e ambientit konsiderohet si faktor i rëndësishëm e themelor për ruajtjen
e paqes në botë. Të dëgjojmë psenë nga intervista me bioklimatologun italian Xhiampiero
Maraki, i Këshillit Kombëtar të Punës Kërkimore-Shkencore: Ndryshimet e klimës
përbëjnë një kërcënim për paqen sepse përfaqësojnë një çrregullim tërësor, me karakter
biologjik, ekonomik, natyror e përgjigjet ndaj këtyre çrregullimeve zakonisht janë
luftrat. Prandaj, është e qartë se një planet në ekuilibër është edhe një planet që
nuk e përdor aq lehtë luftën për zgjidhjen e problemeve të veta. Që këtej, më duket
e arësyeshme që një çmim Nobel për paqen të lidhet me ndryshimet e klimës.