Kisha e Argjentinës, pas dënimit me burgim të përjetshëm të ish-kapelanit të policisë,
kërkon që drejtësia të zbulojë të vërtetën mbi të kaluarën, por larg nga urrejtja
e mllefi.
(10.10.2007 RV)U dënua me burgim të përjetshëm nga Gjykata Federale e La Platës,
ish kapelani i policisë argjentinase “Bonaerense”, Kristian Fon Vernih, i akuzuar
për shkelje të të drejtave të njeriut gjatë diktaturës së fundit. Në leximin e vendimit
për dënimin e tij, meshtari u quajt fajtor për shtatë vrasje, 31 raste torture e 42
raste njerëzish të zhdukur, krime të kryera ndërmjet viteve 1976 e 1983 në pesë burgje
të fshehta të provicës së madhe të Buenos Aires.Si shpreh dhimbjen e thellë sa për
viktimat, aq për pjesëmarrjen e një meshtari në krime kaq të rënda, duke mëkatuar
kundër Hyjit, njerëzimit e ndërgjegjes së vet, Kisha e Argjentinës pohon se hapat
që ka bërë drejtësia për sqarimin këtyre fakteve, duhet të shërbejnë për thellimin
e përpjekjeve të të gjithë qytetarëve në rrugën e pajtimit e njëkohësisht për rigjetjen
e rrugës së vëllazërimit, që duhet të ndihmojë për ndërtimin e atdheut në drejtësi
e paqe.