У Рыме ўсталявана мемарыяльная дошка ў гонар Ганны Паляткоўскай.
У гонар забiтай у Расii 7 кастрычнiка мiнулага года журналiсткi Ганны Паляткоўскай
у iтальянскай сталiцы назвалi возера, якое знаходзiцца ў вядомым парку “Вiлла Памфiлi”.
Праз год пасля яе смерцi, абставiны якоў дагэтуль малавядомыя, на беразе возера
пастаўлена таблiчка, прысвячаная яе памяцi ў прысутнасцi дачкi забiтай журналiсткi,
Веры. У цэрымонii прыняў удзел мэр Рыма Вальтэр Вельтронi, загадчык аддзелам культуры
iтальянскай сталiцы Сiльвiо Дi Франча, калега забiтай журналiсткi Зоя Херкшок i iншыя
асобы. “Дэмакрацiя i свабода павiнны быць абаронены i сцверджвацца, - зазначыў
мэр Рыма ў сваёй прамове, - у Кiтаi, у Калумбii, на Кубе, у Iраку i ў Бiрме, дзе манахi
выступаюць супраць вайсковага рэжыма. Калi закранаюцца асноўныя правы чалавека i свабоды,
не павiнны быць розныя падыходы ў пэўных выпадках у розных краiнах i ў адносiнах да
iх розных урадаў. Менавiта гэтым прынцыпам кiравалася ў сваёй працы i ў сваiм жыццi
забiтая Ганна Паляткоўская”, - сказаў Вальтер Вельтронi. “Дзякуючы таксама ёй,
- працягнуў сваю думку мэр Рыма, - яшчы ёсць магчымасць палiтычнага жадання зрабiць
нешта для Чачнi”. Спадар Вельтронi пачаў сваё выступленне наступным чынам: “Свет
часта памыляецца i на паховiнах Ганны Паляткоўскай не было а нi кiраўнiкоў дзяржавы,
а нi ганаровага каравула. Вось мацi з Беслана, чычэнкi, i рускiя салдаты магчыма былi.
Безумоўна, было шмат людзей якiя з шчырым сэрцам правадзiлi ў апошнi шлях нябожчыцу,
якую адчувалi блiзкай iм. У той жа час прэзiдэнт Путiн у Дрэздэне заявiў, што гэта
жанчына мела мiнiмальны палiтычны ўплыў у палiтыцы Расii i што яе забойца зрабiў больш
вялiкую шкоду Расii i Чачне, чым яе артыкулы. Мэр Рыма прыпомнiў таксама, што
Ганна Паляткоўская “выступала супраць карупцыi i супраць парушэння праў чалавека
ў сучаснай Расii. I менавiта дзякуючы ёй нiхто нiколi не сможа сказаць, што не знаў
аб гэтым”. “Калi забiваюць журналiстку каб прымусiць яе замоўкнуць, - дадаў сп. Вельтронi,
- найлепшым адказам будзе даць ёй магчымасць гаварыць. Мы знаходзiмся тут, каб неадрыўна
звязаць iмя Ганны Паляткоўскай з нашым горадам”.