На 62 сесіі Генеральнай Асамблеі ААН выступіў сакратар па сувязях з Дзяржавамі Святога
Пасаду арцыбіскуп даменік Мамбэрці. Ён сцвердзіў, што там, дзе няма рэлігійнай свабоды
, ня можа быць і рэлігійнага паразумення і супрацоўніцтва .
"Немагчыма мець мір ,- працягваў як следства Ватыканскі прадстаўнік,- без паразумення
і супрацоўніцтва між рэлігіямі. " Выступаючы ў галоўным цэнтры усіх народаў Зямлі.
монс. Даменік мамбэрці падкрэсліў,што адносіны рэлігій ёсць эсэнцыяй у пытанні
міра ў свеце. Бо рэлігія абсалютна супрацьставіцца насіллю і тэрарызму.. Менавіта
пры павазе да рэлігійнай свабоды была бы здзёртая маска з прэтэнзій некаторых тэрарыстаў
надаць рэлігійнасць акцыям, якія не могуць быць аніякім чынам дараваныя. Але каб
была ахаванаю і прыўзнятаю рэлігійная свабода неабходна моцная падтрымка Дзяржавы,
як таксама і прыняццё самімі рэлігіямі адказнасці. На прыкладзе Сустрэч у Асізі
між сусветнымі рэлігійнымі лідэрамі у 1986,93 і 2002 гадах, пасля ўжо тэракта 11
верасня 2001 года ў Нью-Йорку, было бмэтазгодна, на думку прадстаўніка Ватыкану,
арганізоўваць высокія сустрэчы такога роду на нацыянальных і лакальных узроўнях.
тады б сталася магчымым на канкрэтнай тэрыторыі і у канкрэтных грамадах выконваць
праграмы адукацыі па выкараненні гвалту, па падвышэнні дыялогу , павагі, даравання
дзеля справядлівасці. Толькі так, супрацоўнічаючы ў справе развіцця, можна ўносіць
рэальны ўклад у справу міра непасрэдна ў зоне канфлікта. "У нашу эпоху, калі такзванае
сутыкненне цывілізацый ў некаторых рэгіёнах стаецца ўсё больш магчымае, - завершыў
выступленне ў Нью-Йорку сакратар Святога Пасаду па сувязях з дзяржавамі м. Мамберці,
- рэлігіі маюць асаблівае заданне аднавіць пачуццё міру ў чалавецтве, каб яно заззяла
для ўсіх пры падвышэнні намаганняў як Дзяржаваў так і міжнародных арганізацый."