Në Kinë vdiq imzot Benedikt Cai Ciufeng, që kaloi 22 vjet në burgjet komuniste.
(05.10.2007 RV)Ipeshkvi i ndjerë kinez i Vuzhout, vdekur në moshën 90 vjeçare,
u lind në vitin 1918 në Pingnan, u pagëzua në vitin 1932, u shugurua meshtar më 3
dhjetor 1948 e u burgos menjëherë pas shugurimit. Filloi kështu atë që e quajti ‘shkolla
e Shën Palit”. Mbeti në kujtesën e besimtarëve për jetën e tij të thjeshtë e për këshillin
që u jepte të gjithëve për të mos i dhënë rëndësi parave sepse, siç thoshte ipeshkvi
i ndjerë kinez “Etja për para është porta e skëterrës”. Kujtojmë se dioqeza kineze
e Vuzhout numron 20 mijë katolikë, për të cilët kujdesen 4 meshtarë, 26 murgesha
e 5 seminaristë.