Асацыяцыя iмя Яна XXIII° рашуча выступае супраць прастытуцыi.
“Забаранiць прастытуцыю, паставiўшы яе па-за законам” i, у прыватнасцi, “караць клiентаў
прастытутак”, - аб гэтым заявiлi кардыналы, у падтрымку акцыi, прапанаванай Асацыяцыяй
iмя Папы Яна XXIII°. Згаданая Асацыяцыя кiруецца донам Оресте Бенцi. З 1990 года яна
працуе ў галiне вызвалення ахвяраў ад такога тыпу рабства. На сёняшнi дзень 319 дзяўчын
знаходзяцца пад аховай гэтай арганiзацыi: сярод iх 205 з Нiгерыi, 57 з Румынii i 12
з Кiтая. “Нiякая жанчына не нараджаецца прастытуткай, заўсёды ёсць нехта, хто робiць
яе такой. Таму неабходна дзейнiчаць супраць тых, што наўпрост цi ўскосна падштурхоўваюць
iх да гэтага, таму трэба баранiць жанчын i вызваляць ад падобнага тыпу рабства”, -
напiсана ў заяве Асацыяцыi. Цытуючы Крымiнальны кодэкс Iтальянскай Рэспублiкi,
дон Бенцi кажа рашучае “не” тым, што выступаюць за стварэнне “дамоў цярплiвасцi”,
i падкрэслiвае, што “усе дзяўчыны, якiя займаюцца прастытуцыяй, былi ўцягнуты ў гэта
праз падман”. Ён таксама сцвярджае, што “прастытуцыя парушае чалавечую годнасць”.
Дон Бенцi лiчыць, што пры вiдавочных абставiнах трэба заводзiць крымiнальныя справы
супраць клiентаў прастытутак i абнародваць iхнiя прозвiшчы. Святар звяртаецца таксама
да мэраў гарадоў з просьбай звярнуць асаблiвую увагу на гэту складаную праблему, каб
зрабiць немагчымым ужыванне жанчын для прастытуцыi.