Parlamenti evropian për heqjen e dënimit me vdekje

(28.09.07 RV)Parlamenti evropian ka miratuar një rezolutë në të cilën kujton se presidenca e Bashkimit Evropian ka marrë mandatin për të hartuar dhe paraqitur një tekst mbi heqjen e dënimit me vdekje në nivel botëror, i cili i duhet dërguar më pas Asamblesë së Përgjithshme të Kombeve të Bashkuara. Gjithashtu, parlamenti i bën thirrje OKB-së që ta miratojë rezolutën brenda këtij viti. Nga ana tjetër, Këshilli i Evropës e ka shpallur 10 dhjetorin si “Dita evropiane kundër dënimit me vdekje”.