Кардынал Лехманн звярнуўся да хрысцiянаў Блiзкага Усходу.
Старшыня Бiскупскай канфярэнцыi Германii, кард. Карл Лехманн звярнуўся да хрысцiянаў
Блiзкага Усходу. Перад усiм да тых, што жывуць у Iзраiлi, Егiпце, Палестыне i Iраку.
Зварот прысвячаны выданню 2007 года, якое ўбачыла свет пад назвай “Салiдарнасць з
хрысцiянамi, якiх пераследаюць i прыгнятаюць”. Пад час абнародвання зварота кардынал
прадставiў меркаванне Бiскупскай канфярэнцыi Германii: “Без салiдарнасцi i падтрымкi
Цэркваў-сёстраў з-за мяжы ў даволi хуткiм часе хрысцiяне гэтага рэгiёна не будуць
мець магчымасцi выжыць”, - зазначыў нямецкi кардынал. Ён звярнуў увагу таксама i на
становiшча хрысцiянаў з улiкам iснуючых там палiтычных i сацыяльных сiтуацый: “Часта
хрысцiяне гэтай зоны маюць складанасцi i пакiдаюць сваi родныя краiны. У некаторых
населеных пунктах, дзе хрысцiяне жылi са старжытных часоў, iх болей, практычна, няма”.
Таму, на думку кардынала, хрысцiянам згаданага рэгiёна патрэбна малiтоўная, матэрыяльная
i маральная падтрымка. “Падтрымка ўсiх прыгнечаных, незалежна ад рэлiгiйнай прыналежнасцi,
ёсць абавязкам хрысцiянаў”, - адзначыў кардынал Лехманн. “Як Царква ў нейкай краiне,
дзе хрысцiяне жывуць свабодна i ў небяспецы, хрысцiяне павiнны падтрымлiваць тых сваiх
братоў i сясцёр па веры, якiя панiжаюцца па рэлiгiйных матывах”, - падкрэслiў нямецкi
каталiцкi дастойнiк.