Свяцейшы Айцец спаткаўся з супрацоўнiкамi дабрачыннай арганiзацыi "Царква ў патрэбе".
Свяцейшы Айцец прыняў пад час агульнай аудыенцыi 16 верасня дэлегацыю Каталiцкага
мiжнароднага дабрачыннага фонда “Царква ў патрэбе”, цэнтр якой знаходзiцца ў нямецкiм
горадзе Кёнiгштайн. Пад час спаткання Папа выказаў сваю падзяку членам арганiзацыi
за iх дзейнасць. Супрацоўнiкi арганiзацыi знаходзiлiся ў Рыме з 13 да 16 верасня
з нагоды канфярэнцыi, якая праводзiлася ў сувязi з 60-й гадавiнай iснавання “Царквы
ў патрэбе”. У сваiм казаннi пасля Багародзiчнай малiтвы Бенедыкт XVI° адзначыў
вельмi высока дзейнасць фонда, якi, як сказаў Папа, “iскрава сведчыць аб любовi да
Бога”. Свяцейшы Айцец заклiкаў членаў арганiзацыi i надалей сведчыць аб тым, што “Бог
ёсць нам як бацька, якi любiць”. Раней Папа накiраваў фонду “Царква ў патрэбе”,
якi быў заснаваны галандскiм святаром Веренфрiдам Ван Страатенам, вiншавальны лiст
з нагоды юбiлею, у якiм закрануў некаторыя праблемы сучаснага света. Па словах Бенедыкта
XVI°, адна з рысаў сучаснасцi – “той факт, што многiя людзi i нават цэлыя грамадства
забылiся аб iснаваннi Бога”. Пад цiскам сацыялiзма i рэлятывiзма, якiя часта навязвалiся
дыктатырскiмi метадамi, з’явiлася немалая колькасць хрысцiянаў толькi па хросту, але
потым аддалiўшыхся ад Бога. Бенедыкт XVI° таксама закрануў сiтуацыю некаторых
мясцовых Цэркваў на Блiзкiм Усходзе, якiя маюць старажытныя традфыцыi, але самому
iснаванню якiх цяпер ёсць пагроза. У гэтых рэгiёнах, адзначыў Папа, вернiкi часта
застаюцца без пастырскай апекi, часам iм забаронена вызнаваць сваю веру. Хаця ў такiх
умовах Царква мае мала магчымасцяў, але Святы Дух усё адно дзейнiчае i можа ўказаць
“творчы i мудры падыход”, якi дазволiць прывесцi да Езуса “немалую колькасць людзей”.