Францыя асудзіла Беларусь за парушэньне правоў грамадзянаў
У абарону несправядліва асуджаных у Беларусі таксама выступіла Міністэрства замежных
справаў Францыі. Ведамства выстасавала заяву, у якой асуджае затрыманьні маладафронтаўцаў
у Баранавічах падчас суду над Яраславам Грышчэням, інфармуе праваабарончае аб’яднаньне
„Вясна”. Францыя нагадвае Беларусі аб узятых ёю абавязальніцтвах у галіне свабоды
аб'яднаньняў, свабоды меркаваньняў і свабоды прэсы. У заяве МЗС Францыі таксама адзначана
складаная сытуацыя праваабарончых арганізацыяў. У прыватнасьці, гаворка пра аб’яднаньне
„Вясна”, якому чарговы раз было адмоўлена ў рэгістрацыі.