Агульная аўдыенцыя Папы у сераду 19-га верасьня

Адбылася яна на Плошчы Сьвятога Пятра. Бэнэдыкт 16 прыбыў на яе са сваей летняй рэзыдэнцыі ў Кастэльгандольфо блізка Рыму. Прысутнічала на ёй многа вернікаў і паломнікаў з кожнага кутку сьвету
У сваёй сёньняшняй катахэзе Папа вярнуўся да свайго ранейшага цыклу катахэзаў пра Настаўнікаў Царквы ды прысьвяціў яе Сьвятому Яну Хрызастому
Сьвяты Ян Хрызастом, званы “Златавусным”, якому прысьвечана сёньняшняя катахэза, нарадзіўся ў 349-м годзе ў Антыёхіі. Яго маці Антуза, цераз выбар добрых школаў і настаўнікаў, напрыклад Лібанёса і Дыёдара, пазьнейшага біскупа Тарсу, запэўніла яму старанную літаратурную, аратарскую, філазофскую ды тэаланічную адукацыю.
Сьвятарскія сьвядчыны- працягваў Папа- Хрызастом прыняў у 386-м годзе ў Антыёхіі. 11-ць гадоў пазьней стаў біскупам Канстантынопаля. Публічнае асуджэньне стылю жыцьця на двары Імпэратара, было прычынаю яго двухразовага выгнаньня з біскупскай сталіцы.
Сярод народу- працягваў сваю сёньняшнюю катахэзу Сьвяцейшы Айцец- здабыў прызнаньне як вядомага прапаведніка. Пакінуў па сабе вялікую літаратурную спадчыну: 17-ць трактатаў, 700 казаньняў, 241 лістоў, камэнтары да Эвангэльля Сьвятога Матэя і Пасланьняў Сьвятога Паўла. Даў пазнацца як вялікі тэалог, прапаведнік, экзагэт ды мараліст. Добры Пастыр ды ініцыятар дагматычных дасьледаваньняў 4-5 стагоддзяў.
Заахвочваў вернікаў- сказаў на заканчэньне Бэнэдыкт 16—да паглыбляньня навукі Царквы, яе маральных ды духоўных казаньняў. Прыпамінаў, што супольнасьць веруючых, узрастае дзякуючы Божаму Слову і Эўхарыстыі, якія зьяўляюцца знакамі адзінства.







На заканчэньне аўдыенцыі Сьвяцейшы Айцец прывітаў усіх вернікаў, асабліва хворых, моладзь ды новыя шлюбныя пары, надзяляючы на ўсіх сваё Апостальскае Блаславенства.