Сусветны Патрыярх Барталамей I° сярод кандыдатаў на атрыманне прэмii iмя А. Сахарава.
Абраны пяць кандыдатаў на прэмiю iмя Андрэя Сахарава, якiя былi вызначаны рознымi
мiжнароднымi камiсiямi i камiсыяй па правах чалавека пры Парламенте Еўропы. Iмя пераможцы
будзе аб’яўлена 25 кастрычнiка, а цэрымонiя ўручэння прэмii пройдзе ў Страсбургу 11
снежня. Сусветны Патрыярх Барталамей I° - адзiн з галоўных кандыдатаў. Мiжнародныя
арганiзацыi ацанiлi яго дзейнасць у галiне абароны свабоды рэлiгii ў Турцыi, а таксама
як iнiцыятара дыялогаў памiж прадстаўнiкамi рэлiгiйных суполак”. Другiмi кандыдатамi
з’яўляюцца кiтайцы Дзенг Йунiань i Ху Яайа, якiя працуюць у галiне захавання праў
чалавека. Спадарыня Дзенг Йунiань адна з самых вядомых праваабаронцаў у Кiтаi, яе
муж, спадар Ху Яайа, супрацоўнiчае ў арганiзацыi, якая змагаецца з праблемай СНIДу. Далей
iдзе Йойа Малайi, афганскi дэпутат, якая вельмi пацярпела ў траўнi 2007 года пасля
таго, як заявiла аб тым, што “у афганскiм парламенте ёсць шмат прыхiльнiкаў вайны”.
Наступным кандыдатам на згаданую прэмiю з’яўляецца суданскi адвакат Салiх Махмуд Осман,
якi супрацоўнiчае з арганiзацыямi, якiя выступаюць супраць катаванняў i задарма прапануе
свае юрыдычныя паслугi ахвярам грамадзянскай вайны. I, урэшце, у лiку кандыдатаў на
прэмiю, лiчыцца расейская журналiстка Анна Палiткоўская, якая была забiта 7 кастрычнiка
2006 года, вядомая сваёй антыўрадавай пазыцыяй у чачэнскiм пытаннi.