Liturgjia e Fjalës së Zotit e dielës së 24-të gjatë vitit "C":'Zoti është i aftë vetëm
të dojë. Deo gratias!
(15.9.2007 RV)Ja përsëri
në takimin tonë javor të së shtunës me Liturgjinë e Fjalës Hyjnore të së dielës, kësaj
rradhe do të dëgjojmë e meditojmë së bashku leximet biblike të Liturgjisë së Fjalës
Hyjnore të dielës së 24-të gjatë vitit kishtar, ciklit të tretë, sipas kalendarit
të liturgjisë kishtare.
Hyji na do me një dashuri që tejkalon pabesnikëritë
tona e mëkatet tona. Falja është tipari i Zotit dhe secili prej nesh është i thirrur
në përqafimin e Zotit Atit të mëshirshëm që pret djalin plangprishës, djalin rebel
e të pabindur, që në një farë mënyre e nga pak jemi të gjithë.
Leximet Biblike
të kësaj së diele na flasin për përdëllimin e Hyjit. Në pjesën e Ungjillit të kësaj
së diele marrë nga shën Luka, Jezusi na paraqet Hyjin plotë mëshirë e falje, na paraqet
Hyjin përdëllues. Mirëpo fytyrën e Tij të mëshirshme e dallojnë, e kuptojnë dhe shijojnë
vetëm ata persona që kuptojnë e njohin dashurinë falas të Zotit , ata që lejojnë që
hirin hyjnor të depertojë e përmbushë zemrën, të shndrisë mendjen, ata që lejonë
hirin e Zotit të pasqyrohet në përcaktimet, në zgjedhjet e sjelljet e përditshme
para tjerëve. Populli i Izraelit (sikur do të dëgjojmë nga leximi i parë) u gjunjëzua
para viçit prej arit, duke tradhëtuar Zotin që e kishte liruar nga skllavëria e Egjiptit.
Mosiu ndërmjetëson për njerëzit e vet pranë Hyji, i cili në sajë të përdëllimit të
tij hyjnor, e harron tradhëtin e popullit izraelit dhe e fal. Shën Pali ( siç
do të dëgjojmë në leximin e dytë) është i emocionuar dhe prekur thellë nga gëzimi
e mirënjohja për kthimin e vet tek Krishti e te Ungjilli. Ai falenderon Zotit e mëshirës
që e fali dhe e ngarkoi të jetë apostull i tij ndër paganë. Ungjilli i së dielës
më tri shembëlltyra të njohura- atë të delës së humbur, atë të drahmës së humbur dhe
të djalit plangprishës apo të Atit të mëshirshëm- vënë në pah gëzimin e Zotit në falje
e në pranimin e mëkatarëve të penduar në tryezën e vet. Të mendojmë mirë mbi vlerën
e pallogaritshme që ka Eukaristia, banketi i bërë gati për djalin plangprishës por
edhe për të gjithë ata që i afrohen Zotit me zemër të sinqert e të penduar. Tani ti
dëgjojmë leximet biblike……e pastaj edhe komentin...…………………