Старшыня Еўрапейскай камiсii прыняў удзел у паседжаннi III° Еўрапейскай мiжхрысцiянскай
асамблеi.
Старшыня Еўрапейскай камiсii Жозе Мануэл Баррозу заклiкаў еўрапейскiх палiтыкаў памятаць
аб важнасцi традыцый праваслаў’я i каталiцтва для будучынi Старога кантынента. Выступаючы
на III° Еўрапейскай мiжхрысцiянскай асамблеi ў румынскiм горадзе Сiбiу, ён прыпомнiў
словы Яна Паўла II°, якi сказаў, што Еўропа павiнна дыхаць двума лёгкiмi, маючы на
ўвазе каталiцтва i праваслаў’е. Галава Еўракамiсii выступаючы ў румынскiм горадзе
Сiбiу, выказаў надзею на тое, што адносiны, якiя былi прадэманстраваныя на згаданай
Асамблеi , могуць зрабiцца, у нейкiм сэнсе, “каналам памiж двума гэтымi лёгкiмi”,
i гэты канал можа быць заснаваны на ўзрастаючым духу наблiжэння памiж праваслаўным
Усходам i латiнскiм Захадам, англiканаў i iншых пратэстантаў. Спадар Баррозу таксама
заклiкаў палiтыкаў браць прыклад з рэлiгiйных дзеячаў, якiя iмкнуцца да “еднасцi ў
прымiральнай разнастайнасцi”. У канчатковым пасланнi асамблеi, якая упершыню праходзiла
ў праваслаўнай краiне, адзначаецца, што гэта сустрэча хрысцiянаў розных канфесiй было
адзначана багаццем праваслаўнай духоўнасцi i традыцыi. “Праз шчыры i аб’ектыўны
дыялог мы ўносiм уклад у стварэнне новай Еўропы, у якой ёсць нязменныя хрысцiянскiя
прынцыпы i маральныя вартасцi, што паходзяць з Эвангельля i будуць служыць сведчаннем
i нагодай да актыўнага заангажавання да жыцця ў еўрапейскiм грамадстве. Наша задача
– сцверджваць гэтыя прынцыпы i вартасцi не толькi ў прыватным, але i ў грамадскiм
жыццi”, - адзначана ў дакуменце.