Benedikti XVI nxit politikanët për mbrojtjen e rrënjëve të krishtera
(12.09.2007 RV) “Me vështrimin tutje nga Evropa, ripërtërita nxitjen time
për të vijuar procesin e tashëm të bashkimit mbi bazën e vlerave që burojnë nga trashëgimia
e përbashkët e krishterë.” Kështu nënvizoi Papa Benedikti XVI sot gjatë audiencës
mbajtur në Vatikan duke folur mbi shtegtimin e vet apostolik të javës që shkoi në
Austri. Duke patur parasysh takimin e së premtes së kaluar në Vjenë me presidentin
federal Hajnc Fisher, me qeveritarët dhe me trupin diplomatik të akredituar në Austri,
Ati i Shenjtë tha se: “Këto janë raste të çmueshme gjatë të cilave pasardhësi i Pjetrit
ka mundësi t’u bëjë thirrje udhëheqësve të vendeve për të mbështetur gjithmonë paqën
dhe zhvillimin e vërtetë ekonomik dhe shoqëror.” Përsa i përket nxitjes për mbrojtjen
e rrënjëve të krishtera të Evropës, Benedikti XVI vuri në dukje se pikërisht Shenjtërorja
e Mariacellit, ndërmjet të tjerash është edhe një nga simbolet e takimit të popujve
evropianë rreth fesë së krishterë.” Duke vazhduar më tej Ati i Shenjtë theksoi se
vizita në Vjenë qe frytdhënëse aq më tepër që e futi shtegtimin e tij në kontekstin
e tashëm të kontinentit evropian.