Святар Юзеф Булька мае намер запрасiць ананiмных алкаголiкаў з Беларусi, Лiтвы i
Латвii, каб заснаваць у вёсцы Масар Глыбокскага раёна Вiцебскай вобласцi алею цвярозасцi.
7 кастрычнiка на алеi даўжынёй 100 метраў i шырынёй каля 5 метраў будуць пасаджаны
туi. Айцец Юзеф некалькi ўжо гадоў збiрае рэдкiя раслiны, многiя з якiх пасаджаны
каля мясцовага касцёла. Прыехаўшы ў в. Масар каля 20 гадоў таму, святар пачаў
барацьбу з пьянствам мясцовых жыхароў, у прыватнасцi, забаранiў уваход у касцёл тым,
што ўжываюць спiртное. Некалькi гадоў таму ксёндз Булька стварыў першы ў Беларусi
антыалкагольны музей, у якi мясцовыя вытворцы самагону здалi свае самагонныя аппараты.
У музэi таксама захоўваюцца зацьверджаныя мясцовымi ўладамi i замацаваныя пячаткамi
заявы мясцовых жыхароў аб тым, што яны адмаўляюцца ад спiртнога. У 2005 годзе
а.Юзеф стаў першым святаром Рыма-каталiцкай Царквы ў Беларусi, якому была ўручана
дзяржаўная ўзнагарода “За духоўнае адраджэнне”. 10 кастрычнiка 2007 года касцёлу
св.Анны, парахам якога служыць а. Булька, спаўняецца 100 гадоў.