Në audiencën e nesërme Papa do të takojë besimtarët pas udhëtimit në Austri.
(11.9.2007 RV)Nesër para dite në Vatikan
Papa Benedikti XVI do të takojë besimtarët në audiencën e përgjithshme pas kthimit
nga udhëtimi apostolik në Austri. Siç është bër zakon, pas kthimit nga një udhëtim
apostolik, audienca e përgjithshme e Papës me shtegtarë, sipas çdo gjase do t’i kushtohet
vizitës baritore në tokën austriake. Tri ditë të pasura me momente plotë intensitet
nën moton “Shikojni Krishtin”. E po kjo ishte edhe porosia që Papa i pati drejtuar
të rinjve në Takimin e Loretos që më 1 e 2 shtatorin e kaluar. Për këte është bindur
kryeipeshkvi i Peskares, imzot Tommaso Valentinetti, në mirkofonin e Radio Vatikanit...... Besoj
se dy momentet publike të Papës, vizita në Austri e në Loreto janë karakterizuar sidomos
për qartësinë e madhe doktrinore, por edhe për thellësinë shpirtërore si dhe për kërkesën
për ta drejtuar vështrimin tonë tek thelbësorja, tek Krishti, Zoti të jetës sonë,
e prej Krishtit na vjen thirrja jo për një udhëtim që mund, në një farë mënyre, të
duket i rëndë, plotë vështirësi, po për një “po” e jona thënë plot gëzim si përgjigjie
e plotë e totale, në një miqësi të madhe me Të.
Benedikti XVI, më të vërtetë,
ka nënvizuar se krishtërimi shkon përtej një sistemi të moralit, duke nënvizuar se
para së gjithash është një takim me një person, me Jezu Krishtin dhe tha se në këtë
dritë Dekalogu apo Urdhërimet e Zotit nuk duhen lexuar si një sërë ndalesash, por
si një sërë të “po-së” ndaj Zotit e të afërmit....
Sigurisht bëhët fjalë
për një temë që Ati i Shenjtë e ka përzemër dhe është marrë nga Enciklika e tij “Zoti
është dashuri”, ky takim ndërmjet njeriut e Zotit, që është dashuri, dhe depertimi
e shndërrimi i dashurisë në jetën e personave. Prandaj jo aq një sërë normash për
t’u respektuar, sa – siç thotë Papa vet- një sërë “po-sh” për t’u thënë e, sidomos
një “po” jetës. Më ka pëlqyer jashtëzakonisht referimi 360 shkallë, sidomos ndaj jetës
që lindë , që Papa bëri gjatë lutjes së Engjëllit të Tenzot në Vjenë, e në mënyrë
të veçantë në kundrimin e Krishtit foshnje. Sa shumë fëmijë – citoi- që jetojnë në
varfëri, që shfrytëzohen si ushtarë, që nuk kanë mundur kurrë të përjetojnë dashurinë
e prindërve, fëmijët e sëmurë e të vuajtur, por edhe ata të lumtur e të shëndoshë.
Do të thosha se kjo është bukuria e madhe e këtij qortimi, të këtij takimi të thellë
me Zotin, sepse Zoti na thotë të jetojmë në këtë përmasë të hapjes së madhe të zemrës
sonë ndaj Tij por edhe ndaj të afërmit tonë.