Shenjtorët e javës nga 9 deri m 15 shtator, sipas kalendrit kishtar
(09.09.2007 RV)Sot më 9 shtator,
kalendari i Kishës romake kremton të dielën e 23-të gjatë vitit kishtar, ndërsa prej
shenjtorëve, sot kalendari përkujton shën Pjetërin Klaver, meshtar jezuit,
apostull ndër zezakë të internuar;
Nesër e hënë, më 10 shtator, kalendari
kishtar do të përkujtojë shën Nikollën Tolentino, meshtar rregulltar agostinian; Në
Hyjin është shpëtimi im e lavdimi im, pohon Psalmi i ditës. Duke sfiduar çdo akuzë,
Jezusi pikërisht ditën e shtunë, që për hebrenjt është ditë e shenjtë e nuk puhohet
fare, Ai e shëron njeriun nga sëmundja e paralizimit të dorës. Sipas Biblës festa
e vërtetë është vetëm atëherë kur i kushtojmë kohë lavdërimit të Zotit e veprave të
bamirësisë në dobi të atij që ka nevojë për ndihmë.
Të martën e ardhshme
më 11 shtator, sipas kalendarit kishtar bie festa e shën Protit e Jacintit, martirë.
Psalmi i kësaj dite thotë: pa mbarim do ti këndojë mirësisë së Zotit. Tërë
personi i Jezusit, edhe trupi i tij, shpreh forcën që pambarimisht jep shëndet e guxim.
Ja udhët për të fituar shpëtimin prej Zotit: të bëhemi nxënës të tij e ti dëgjojmë
e zbatojmë mësimet e apostujve, të cilët na propozojnë ato udhëzime që Mësuesi Hyjnor
ua ka besuar atyre.
Të mërkurën që vjen më 12 shtator, kalendari kishtar
do të kremtojë festën e Emërit të Shenjtë të Vigjërës Mari, si dhe shën Guidon nga
Brabanti e Shën Silvanin e Veronës. Lavdi të qoftë ty o Zot, shpëtimi i popujve.
Fjalimi universal i Mësuesit Hyjnor artikulohet nga Ai në " të lumë" e në " të
mjerë". Pikëvështrimi i Hyji ndryshon rrënjësisht çdo pritje njerëzore e vetëm duke
iu përmbajtur vështrimit të Hyjit, nxënësit kapërcejnë çdo vështirësi e pengesë në
udhën e jetës së tyre.
Të enjtën më 13 shtator, bie festa e shën Gjon Gojartit
apo Krizostomit, ipeshkëv e doktor i Kishës. Lavdi ty o Zot, i gjallë në shekuj.
Masa me të cilën Hyji vlerëson veprimet tona është krejtësisht ndryshe nga masat e
vlerësimit të kohës aktuale që përdorin njerëzit. Në marrëdhënie me të tjerë, kriteri
i propozuar nga Jezusi është thelbësisht ky: atë që doni që të tjerët t'ua bëjnë juve,
edhe ju bëniani të tjerëve.
Të premten e ardhshme më 14 shtator, kalendari
liturgjik i Kishës kremton festën e Naltimit të Kryqit të Shenjtë, siç njihet tek
popullit shqiptar, festa e Shëna Kryqit. Je ti, o Zot, shpëtimi jonë. I lartuar
mbi drurin e Kryqit, Biri i Zotit, Jezus Krishti Shpëtimtar, shëlbon gjithësinë dhe
personat. Cdo herë që bëjmë shenjën e kryqit, ne rrëfejmë se prej Krishtit na është
dhënë të gjithëve jeta e amshuar. Festa e Naltimit të Kryqit të Shenjtë kremton
një fakt historik të epokës së perandorit Konstandinit e nënës së tij Helenës, kur
qe zbuluar mbi Golgotë në Jeruzalem Kryqi, mjeti i vdekjes së Krishtit. Ky Kryq i
Krishti gjendet në Bazilikën e Jeruzalemit.
Të shtunën që vjen më 15 shtator,
kalendari kishtar kremton festën e të Zojës së Bekuar të Dhimshme. Në dhimbje,
më ndihmo, o Zot. Martire megjithëse pa vdekur është Maria nën kryqin e të Birit.
Nga shkatërrimi e dhimbja do të vijë ngjallja; në vend të Birit të humbur, do të ketë
një mori e madhe besimtarësh në Krishtin.